სწრაფი ნავიგაცია

 

კახა კიკნაველიძე

გენერალური დირექტორი

კახა კიკნაველიძე საქართველოს ბანკის გენერალური დირექტორის პოსტზე 2016 წლის სექტემბერში დაინიშნა. ხსენებულ თანამდებობაზე დანიშვნამდე, 2011 წლის 24 ოქტომბრიდან, კახა „ბიჯეო ჯგუფის“ სამეთვალყურეო საბჭოს წევრი იყო, მათ შორის იყო „ბიჯეო ჯგუფის“ აუდიტის, რისკებისა და ნომინირების კომიტეტების წევრი. 2008 წლიადნ მოყოლებული, კახა ასევე იყო საქართველოს ბანკის სამეთვალყურეო საბჭოსა და აუტიდის კომიტეტის წევრი და აქტიურად უწევდა მენტორობას ბანკის ამჟამინდელი მმართველი გუნდის წევრებს, ბოლო წლების განმავლობაში. კახას აქვს ფინანსური მომსახურების სფეროში მოღვაწეობის 15 წელზე მეტი ხნის გამოცდილება, მათ შორის უმუშავია სხვადასხვა თანამდებობაზე ისეთ კომპანიებში, როგორებიცაა UBS-ი და Troika Dialog-ი. კახა არის ლონდონში დაფუძნებული ინვესტიციების მართვის კომპანიის, „რიონი კაპიტალ პარტნერსის“ დამფუძნებელი და მმართველი პარტნიორი - თანამდებობა, რომელსაც ის დატოვებს 2016 წლის ბოლომდე.

კახა კიკნაველიძეს წარჩინებით აქვს დამთავრებული საქართველოს აგრარული უნივერსიტეტი ეკონომიკის განხრით (ბაკალავრის ხარისხი) და ფლობს ემორის უნივერსიტეტის ბიზნესის ადმინისტრირების მაგისტრის ხარისხს.

 

მიხეილ გომართელი

გენერალური დირექტორის მოადგილე
საცალო საბანკო საქმიანობის დარგში

მიხეილ გომართელი საქართველოს ბანკის გენერალური დირექტორის მოადგილეა 2009 წლის თებერვლიდან. 1997 წლიდან მიხეილს წამყვანი პოზიციები ეკავა. იგი იყო საბანკო პროდუქტებისა და მარკეტინგის ხელმძღვანელი (2000-2002); ფილიალების მართვისა და მარკეტინგის ხელმძღვანელი (2002–2003); ფილიალების მართვისა და გაყიდვების კოორდინაციის ხელმძღვანელი (2003–2004); სტრატეგიისა და დაგეგმარების ხელმძღვანელი (2004-2005); ბიზნესის განვითარების ხელმძღვანელი (2005 წლის მარტი-ივლისი) და საცალო საბანკო საქმიანობის თანადირექტორი (2007 წლის მარტი - 2009 წლის თებერვალი). მიხეილ გომართელს მიღებული აქვს დიპლომი ეკონომიკის დარგში–თბილისის სახელმწიფო უნივერსიტეტში.

 

გიორგი ჭილაძე

გენერალური დირექტორის მოადგილე რისკების მართვის დარგში

გიორგი ჭილაძე დაინიშნა საქართველოს ბანკის გენერალური დირექტორის მოადგილედ რისკების მართვის დარგში 2013 წლის სექტემბერში. 2008–2011 წლებში, გიორგის ეკავა საქართველოს ბანკის გენერალური დირექტორის მოადგილის პოსტი ფინანსების დარგში. 2011–2013 წლებში გიორგიმ იმოღვაწევა საპარტნიორო ფონდში, გენერალური დირექტორის მოადგილის თანამდებობაზე. 2003 წელს გიორგი ნიუ იორკში, კომპანია Bear Sterns-ის პროგრამული ვაჭრობის დახლზე მუშაობდა, 2004-2005 წლებში სადაზღვევო კომპანია „ევროპეისის“ სამეთვალყურეო საბჭოს აღმასრულებელი წევრი გახდა. ამავე წლებში დააფუძნა მენეჯმენტის საკითხებში საკონსულტაციო ფირმა შპს „ალტერგრუპი“. 2005 წლიდან გიორგი ჭილაძე სს „ბტა ბანკის“ (საქართველო) გენერალური დირექტორის პოსტს იკავებს. 2008 წლის ოქტომბერში კი საქართველოს ბანკის ფინანსური დირექტორი ხდება. გიორგი ჭილაძეს მიღებული აქვს მეცნიერების დოქტორის წოდება ფიზიკაში, ჯონს ჰოპკინსის უნივერსიტეტისგან, ბალტიმორში, მერილედნი და ბაკალავრის ხარისხი ფიზიკაში თბილისის სახელმწიფო უნივერსიტეტისგან.

 

ლევან ყულიჯანიშვილი

გენერალური დირექტორის მოადგილე ფინანსების დარგში

ლევან ყულიჯანიშვილი დაინიშნა  საქართველოს ბანკის გენერალური დირექტორის მოადგილედ ფინანსების დარგში 2015 წლის სექტემბერში. 2009 წლიდან იგი „საქართველოს ბანკში“ იკავებდა  შესაბამისობისა და შიდა კონტროლის მიმართულებების ხელმძღვანელის პოზიციას. ლევანი  საქართველოს ბანკში 1997 წლიდან მოღვაწეობს და 18-წლიანი პერიოდის განმავლობაში სხვადასხვა პოზიცია ეკავა. მათ შორის იყო შიდა აუდიტის დეპარტამენტის ხელმძღვანელის (2000-2009 წლებში), ფინანსური მონიტორინგის სამსახურის ხელმძღვანელის (1999-2000 წლებში), სტრატეგიისა და დაგეგმვის დეპარტამენტისა და ფინანსური ანალიტიკური სამსახურის უფროსის (1997-1999 წლებში) თანამდებობები. ლევან ყულიჯანიშვილი ფლობს გრენობლის ბიზნესის სკოლის MBA ხარისხსა და თბილისის სახელმწიფო უნივერსიტეტის ბაკალავრის ხარისხს ეკონომიკასა და ვაჭრობაში. 

 

არჩილ გაჩეჩილაძე

გენერალური დირექტორის მოადგილე
კორპორაციული საინვესტიციო საბანკო საქმიანობის დარგში

არჩილ გაჩეჩილაძე დაინიშნა საქართველოს ბანკის გენერალური დირექტორის მოადგილედ კორპორაციული საინვესტიციო საბანკო საქმიანობის დარგში 2016 წლის თებერვალში. 2013 წლის მაისიდან არჩილს ეკავა საქართველოს ბანკის გენერალური დირექტორის პოზიცია ინვესტიციების მართვის დარგში (ყოფილი აქტივებისა და დაგროვილი ქონების მართვა). 2008–2013 წლებში, არჩილი იყო საქართველოს ბანკის გენერალური დირექტორის მოადგილე კორპორაციული საბანკო საქმიანობის მიმართულებით. საქართველოს ბანკში მოსვლამდე არჩილი კორპორაციული რესტრუქტურიზაციის დარგში გენერალური დირექტორის მოადგილის პოსტს იკავებდა „თიბისი ბანკში“. საქართველოში დაბრუნებამდე, იგი მოღვაწეობდა ლონდონში „Lehman Brothers Private Equity”-ში (ამჟამად Trilantic Capital Partners), ხოლო 1998-2004 წლებში მუშაობდა „Salford Equity Partners”-ში, EBRD-ს თბილისისა და ლონდონის ოფისებში უფროს ანალიტიკოსად, „KPMG Barents”-ში – უფროს ფინანსურ ანალიტიკოსად, ასევე მსოფლიო ბანკის „CERMA”-ს პროექტში – გუნდის ლიდერად. არჩილი არის CFA სერტიფიკატის მფლობელი და CFA საზოგადოების წევრი, ამასთან, მას მიღებული აქვს MBA ხარისხი კორნელის უნივერსიტეტში და ბაკალავრის ხარისხი ეკონომიკასა და იურისპრუდენციაში - თბილისის სახელმწიფო უნივერსიტეტში.

 

თორნიკე გოგიჩაიშვილი

გენერალური დირექტორის მოადგილე საოპერაციო მიმართულებით

თორნიკე გოგიჩაიშვილი საქართველოს ბანკის გენერალური დირექტორის მოადგილედ საოპერაციო მიმართულებით დაინიშნა 2016 წლის იანვარში. მანამდე, თორნიკე იყო ამავე ბანკის საოპერაციო მიმართულების დირექტორი, 2010 წლიდან. უფრო ადრე, თორნიკე იყო საერთაშორისო საბანკო საქმიანობის ხელმძღვანელი და კოორდინაციას უწევდა შვილობილ კომპანიებს უკრაინასა და ბელარუსში. 2006-2008 წლებში, თორნიკე სადაზღვევო კომპანია „ალდაგის“ გენერალური დირექტორი იყო. 2004-1998 წლებში, თორნიკე ფლობდა სხვადასხვა მენეჯერულ პოზიციას სადაზღვევო კომპანიაში BCI, ერთ დროსი კი ასევე იყო UEDC PA კონსალტინგის ფინანსური დირექტორი. თორნიკე ფლობს ბაკალავრის ხარისხს სამართალში თბილისის სახელმწიფო უნივერსიტეტისგან, ბიზნესის მართვის მაგისტრის ხარისხს (MBA) კავკასიის ბიზნესის სკოლისგან და აღმასრულებლის (Executive) ხარისხს ოქსფორდის უნივერსიტეტის  საიდის ბიზნეს სკოლისგან.

 

ალექსანდრე (საშა) კაცმანი

გენერალური დირექტორის მოადგილე პერსონალისა და ბრენდის მართვის დარგში

ალექსანდრე (საშა) კაცმანი საქართველოს ბანკის გენერალური დირექტორის მოადგილედ 2016 წლის იანვარში დაინიშნა. 2010-2015 წლებში, საშას ეკავა საქართველოს ბანკის ბრენდის მართვის დეპარტამენტის დირექტორის პოსტი. საქართველოს ბანკში მოსვლამდე, 2004-2009 წლებში საშა იყო საქართველოში ყველაზე მსხვილი საკომუნიაციო ჯგუფის „სარკის“ პარტნიორი, ეკავა კლიენტების მომსახურებისა და სტრატეგიის დირექტორის პოზიცია. საშა ფლობს Berlin School of Creative Leadership-ის EMBA ხარისხს, იურისტის კვალიფიკაციასა და მეცნიერებათა დოქტორის სამეცნიერო ხარისხს იურისპრუდენციაში თბილისის სახელმწიფო უნივერსიტეტისგან.