სამეთვალყურეო საბჭო

ნილ ჯანინი სამეთვალყურეო საბჭოს თავმჯდომარედ დაინიშნა 2011 წლის 24 ოქტომბერს, 2010 წლიდან კი საქართველოს ბანკის ჰოლდინგის საბჭოსა და ნომინირების კომიტეტის თავმჯდომარეა, ასევე  გახლავთ საქართველოს ბანკის ჰოლდინგის ანაზღაურების კომიტეტის წევრიც. რესტრუქტურიზაციის დასრულების შემდეგ იგი გადადგება ბანკის სამეთვალყურეო საბჭოს თავმჯდომარის თანამდებობიდან, მაგრამ დარჩება ბანკის სამეთვალყურეო საბჭოს წევრად. გარდა ამისა, ნილი გახლავთ საქართველოს ჯანდაცვის ჯგუფის სამეთვალყურეო საბჭოს წევრი. 

ნილ ჯანინი რამდენიმე კომერციული და არაკომერციული ორგანიზაციის გენერალური დირექტორების კონსულტანტია, ასევე აგრძელებს საკონსულტაციო მომსახურების გაწევას  „მაკკინზი და კომპანიისთვის“. 1982 წლიდან 27 წლის განმავლობაში, სანამ 2010 წელს საქართველოს ბანკს შეუერთდებოდა,  ნილ ჯანინი  იყო „მაკკინზი და კომპანიის“ დირექტორი და მოღვაწეობდა კომპანიის პარიზის ოფისში. „მაკკინზი და კომპანიაში“ ის ეწეოდა საცალო ოპერაციებთან, აქტივების მართვასა და კორპორაციულ საბანკო სექტორებთან დაკავშირებულ საქმიანობას და აქტიურად იყო ჩართული ორგანიზაციული პრაქტიკის ყველა ასპექტში, მათ შორის, დიზაინში, ლიდერობაში, მართვაში, საქმიანობის გაუმჯობესებასა და გარდაქმნაში. 2009 წელს, საფრანგეთის დირექტორთა ინსტიტუტის წევრობისას, ნილმა გამოსცა პუბლიკაცია დირექტორთა საბჭოს პასუხისმგებლობის შესახებ კომპანიის სტრატეგიის შექმნასა და განხორციელებაში. „მაკკინზი და კომპანიაში“ მუშაობის დაწყებამდე ნილ ჯანინი მუშაობდა „ჩეიზ მანჰეტენ ბანკში“ (ამჟამად „ჯპ მორგან ჩეიზი“), ნიუ-იორკსა და პარიზში, ასევე „პროქტორ ენდ გემბლში“ ტორონტოში. იგი სხვადასხვა დროს საქმიანობდა ევროპაში, აზიასა და ჩრდილოეთ ამერიკაში. 

ნილ ჯანინი არის დირექტორი კომპანია „ნილ ჯანინ ლიმითედის“, რომლის მეშვეობითაც ეწევა მიმდინარე საკონსულტაციო მომსახურებას. 

ნილი ფლობს ტორონტოს ნიუ-იორკის უნივერსიტეტის ბიზნესის ადმინისტრირების მაგისტრის ხარისხს და აგრეთვე მონრეალის მაკგილის უნივერსიტეტის საპატიო ხარისხს ეკონომიკისა და ბუღალტერიის სპეციალობით.

ჰანა ლოიკანენი საქართველოს ბანკის სამეთვალყურეო საბჭოს წევრად დაინიშნა  2015 წლის აგვისტოში. ქ-ნი ლოიკანენი ასევე არის საქართველოს ბანკის ნომინირების კომიტეტის წევრი და 2016 წლის მარტში დაინიშნა საქართველოს ბანკის აუდიტის კომიტეტის წევრად.  წარსულში ქ-ნი ლოიკანენი იყო საქართველოს ბანკის სამეთვალყურეო საბჭოს წევრი 2010 წლიდან 2013 წლამდე.

უნარები და გამოცდილება
 

ქ-ნ ლოიკანენს გააჩნია 20 წელზე მეტი ხნის გამოცდილება რუსეთისა და აღმოსავლეთ ევროპის საფინანსო ინსტიტუტებთან მუშაობაში. ამჟამად ის მუშაობს East Capital Private Equity AB-ის მრჩევლად. მანამდე ის 2010 წლიდან 2012 წლამდე მუშაობდა East Capital-ის, აქტივების მართვის შვედური კომპანიის მთავარ წარმომადგენლად და კერძო კაპიტალის გუნდის ხელმძღვანელად მოსკოვში და ფოკუსირებული იყო საფინანსო ინსტიტუტებზე. East Capital-ში მისვლამდე, ქ-ნი ლოიკანენი იკავებდა ქვეყნის მენეჯერის და აღმასრულებელი დირექტორის თანამდებობას FIM Group-ში რუსეთში, ფინურ საინვესტიციო ბანკში, სადაც ის პასუხისმგებელი იყო FIM Group-ის საბროკერო და კორპორაციული ფინანსების ოპერაციების დაფუძნებაზე და შენარჩუნებაზე რუსეთის მასშტაბით. კიდევ უფრო ადრე მის კარიერაში, ქ-ნი ლოიკანენი მუშაობდა Nordea Finance-ში სხვადასხვა მენეჯერულ თანამდებობებზე პოლონეთში, ბალტიის ქვეყნებში და სკანდინავიაში, ფოკუსირებით ბიზნესის განვითარებაზე, სტრატეგიაზე და ბიზნესის ინტეგრაციაზე; ასევე მუშაობდა SEB-ში მოსკოვში, სადაც ის პასუხისმგებელი იყო SEB-ის სასესხო კაპიტალის ბაზრის ოპერაციების რესტრუქტურიზაციაზე რუსეთში. ისასევე მუშაობდა MeritaNordbanken-ში სანქტ-პეტერბურგში, სადაც კონცენტრირებული იყო ვაჭრობის ფინანსებზე და საკორესპონდენტო ბანკინგზე.
 

საქართველოს ბანკის გარდა, ქ-ნი ლოიკანენი მუშაობს Locko ბანკის არააღმასრულებელ დირექტორად და აუდიტის და რისკის კომიტეტების წევრად- მცირე და საშუალო სექტორზე ფოკუსირებული რუსული ბანკი და Locko Invest-ის, Locko ბანკის საინვესტიციო ბანკინგის შვილობილი კომპანიის არააღმასრულებელ დირექტორად. ის ასევე არის თათარსტანში მდებარე AKI ბანკის არააღმასრულებელი დირექტორი. 2014 წლიდან, ის მუშაობდა T&B Capital-ის საბჭოს არააღმასრულებელ თავმჯდომარედ-   პირადი კაპიტალის მართვის დამოუკიდებელი რეგულირებული კომპანია, განთავსებული ჰელსინკიში.  
 

განათლება
 

ქ-ნი ლოიკანენი ფლობს მაგისტრის ხარისხს ეკონომიკაში და ბიზნესის ადმინისტრირებაში ჰელსინკის ეკონომიკური სკოლიდან, და იყო ჰელსინკის ეკონომიკური სკოლის მეცნიერ-თანამშრომელი ახალი სამხრეთ უელსის უნივერსიტეტში.

 

თამაზ გეორგაძე 2013 წლის 13 დეკემბერს დაინიშნა საქართველოს ბანკის ჰოლდინგის დამოუკიდებელ დირექტორად, 2014 წელს კი არჩეულ იქნა აქციონერთა გენერალური კრების მიერ. იგი არის საქართველოს ბანკის ჰოლდინგის რისკებისა და ნომინირების კომიტეტების წევრი. 2013 წლის დეკემბერში დაინიშნა ბანკის სამეთვალყურეო საბჭოს წევრად. არის ასევე ბანკის ახლადშექმნილი რისკების კომიტეტის წევრი.

2013 წელს თამაზმა დააფუძნა კომპანია „სეივინგგლობალი“,  რომელმაც პირველმა წამოიწყო გლობალური სადეპოზიტო შუამავლობა ევროპაში და დღესაც აგრძელებს მუშაობას ამ კომპანიის გენერალური დირექტორის თანამდებობაზე. აღნიშნული კომპანიის დაფუძნებამდე იგი 10 წლის განმავლობაში მუშაობდა „მაკკინზი და კომპანიაში“ ბერლინში, 2009-2013 წლებში კი იყო კომპანიის ერთ-ერთი პარტნიორი. „მაკკინზი და კომპანიაში“ მუშაობის პერიოდში მის მოვალეობაში შედიოდა გერმანიის, შვეიცარიის, რუსეთის, საქართველოსა და ვიეტნამის ბანკებთან ურთიერთობა, აქცენტით სტრატეგიაზე, რისკების იდენტიფიკაციასა და მართვაზე, დეპოზიტურ და საინვესტიციო პროდუქტებზე, ოპერაციებსა და გაყიდვებზე. „მაკკინზი და კომპანიაში“ მუშაობის დაწყებამდე, 1994-1995 წლებში, თამაზ გეორგაძე იყო საქართველოს პრეზიდენტის თანაშემწე საერთაშორისო ურთიერთობათა საკითხებში. „სეივინგგლობალში“ დაკავებული თანამდებობის გარდა, თამაზი არ არის რომელიმე სხვა ორგანიზაციის დირექტორატის წევრი. 

თამაზ გიორგაძეს აქვს 2 სადოქტორო ხარისხი: თბილისის სახელმწიფო უნივერსიტეტის ეკონომიკის დოქტორის ხარისხი და გისენის იუსტუს ლიბიგის უნივერსიტეტის (გერმანია) დოქტორის ხარისხი. გარდა ამისა, ეუფლებოდა იურისპრუდენციას გისენის იუსტუს ლიბიგის უნივერსიტეტში და წარჩინებით დაასრულა აღნიშნული კურსი. 

ალ ბრიჩი 2011 წლის 24 ოქტომბერს დაინიშნა საქართველოს ბანკის ჰოლდინგის დამოუკიდებელ დირექტორად, რის შემდეგაც ყოველწლიურად ხდება მისი ხელახალი არჩევა აქციონერთა გენერალური კრების მიერ. ალი არის საქართველოს ბანკის ჰოლდინგის ანაზღაურების კომიტეტის თავმჯდომარე და ნომინირების კომიტეტის წევრი, ასევე ახლად შექმნილი რისკების კომიტეტის წევრი. გარდა ამისა, 2010 წლიდან ალ  ბრიჩი ანაზღაურების კომიტეტის თავმჯდომარე, ბანკის სამეთვალყურეო საბჭოსა და ასევე ახლადშექმნილი რისკების კომიტეტის წევრია. 

2013 წელს ალ ბრიჩმა დააარსა „ჯემსტოკ ლიმითედი“ – დიდი ბრიტანეთის ფინანსური ზედამხედველობის ორგანოს (FCA) რეგულაციის ქვეშ მყოფი ფონდების მართვის ორგანიზაცია, რომლის გენერალური დირექტორიც თავად არის. 2010 წელს ალმა  შვეიცარიაში ასევე დააარსა აქტივების მართვის კომპანია „ფურკა ედვაიზორსი“, რომლის გენერალური დირექტორიც იყო „ჯემსტოკის“ დაარსებამდე. „ჯემსტოკ ლიმითედი“, თავის მხრივ, მართავს „ჯემსტოკის ფონდს“, რომელსაც წარსულში ეწოდებოდა „ჯემსტოკის ზრდის ფონდი“ და რომელსაც მართავდა ალ ბრიჩი „ფურკა ედვაიზორსში“ მუშაობის პერიოდში. უფრო ადრე მისი საქმიანობა უკავშირდებოდა საინვესტიციო ბანკებს, ძირითადად, რუსეთში. 2003 წლის იანვარში ალმა მუშაობა დაიწყო კომპანია „ბრუნსვიკ UBS”-ში (შემდგომში – „UBS რუსეთი“) მთავარ ეკონომისტად, მოგვიანებით კი დაინიშნა კვლევითი მიმართულების უფროსად, ასევე მმართველ დირექტორად და 2007 წლის ოქტომბრამდე ასრულებდა ამ მოვალეობებს. 1998-დან 2002 წლამდე პერიოდში ალი ეკონომისტად მუშაობდა „გოლდმან საქსის“ მოსკოვის წარმომადგენლობაში, რუსეთისა და ყოფილი საბჭოთა კავშირის ქვეყნების განხრით. ალ ბრიჩი არის ასევე თანადამაარსებელი ინტერნეტრესურსისა “The Browser.com”, რომელიც 2008 წლიდან არსებობს და თავს უყრის მიმდინარე მოვლენებთან დაკავშირებით გამოქვეყნებულ სტატიებს. ამჟამად ალი შემდეგი კერძო კომპანიების დირექტორია: „ჯემსტოკი“, „ჯემსტოკის ფონდი“, The Browser და „ფურკა ჰოლდინგზი“, იგი აგრეთვე  „ისთ კაპიტალის“ მრჩეველიცაა. 

ალ ბრიჩი ფლობს ლონდონის ეკონომიკის სკოლის ეკონომიკის მაგისტრის ხარისხსა და ედინბურგის უნივერსიტეტის მათემატიკისა და ფილოსოფიის ბაკალავრის ხარისხს.