„ჩემი პირველი მოთხრობა დაწყებით კლასებში მოცემული საშინაო დავალების დროს დავწერე. წერის პროცესი იმდენად მომეწონა, გადავწყვიტე კიდევ დამეწერა რაიმე“, – გვიყვება სანდრო თომაძე, ამბროლაურის #1 საჯარო სკოლის იდეათეკიდან.
სანდროსთან საუბრისას, მალევე მიხვდებით, რომ მას წიგნების მიმართ განსაკუთრებული ინტერესი და მხატვრული წერის უნარი გამოარჩევს. „თავისუფალ დროს ძირითადად წიგნების კითხვასა და მუსიკის მოსმენაში ვატარებ. ჩემი საყვარელი ლიტერატურული ჟანრი სამეცნიერო ფანტასტიკაა (sci-fi, ხოლო მუსიკალური ჟანრი როკი და მეტალი“, – ამბობს სანდრო, „ასევე ძალიან მიყვარს სპორტი, განსაკუთრებით კი კალათბურთი. NBA-ის მატჩების ყურება ჩემთვის ერთი დიდი სიამოვნებაა. თუმცა ჩემი ერთ-ერთი ყველაზე დიდი ჰობი წერაა – ვწერ მოთხრობებს სხვადასხვა ჟანრში“.
როგორც თვითონ გვიამბობს, სანდრომ რამდენიმე წელიწადში ხუთი მოთხრობის დაწერის შემდეგ წერა შეწყვიტა, თუმცა ჰობს მას შემდეგ მიუბრუნდა, რაც აიზეკ აზიმოვის “გრძელი ღამე” წაიკითხა – „ამ მოთხრობამ გამიჩინა სურვილი მეც შემექმნა მსგავსი ნაწარმოებები“ – ამბობს ის და გვიზიარებს, რომ ახლახან მის ერთ-ერთ ინტერესს, გლობალური დათბობის საკითხს, მოთხრობა მიუძღვნა.
გლობალური დათბობის საკითხით ჯერ კიდევ დაწყებით კლასებში დაინტერესდა – „როცა გლობალური დათბობის შესახებ გავიგე, მაშინვე გამიჩნდა სურვილი მეტი ინფორმაცია მიმეღო“, – ამბობს სანდრო, “G5”-ის ინსპირაციაც ჩვენს გარშემო განვითარებული მოვლენებიდან (ტყის მასშტაბური ხანძრები, ადამიანის ხელით გაჩანაგებული ბუნება გამომდინარეობს“.
„G5” – ასე ჰქვია სამეცნიერო ფანტასტიკის ჟანრის მოთხრობას, რომლის მოქმედებაც 2073 წელს, გლობალური დათბობის შედეგად კოლაფსამდე მისულ სამყაროში ხდება. მოთხრობის მთავარი პერსონაჟი, მაიკი, G5 დანაყოფის ინჟინერია. ერთხელ, სამუშაო დღის დასრულების შემდეგ საერთო საცხოვრებელში დაბრუნებულ მაიკს და სხვა ინჟინრებს მათივე კოლეგა, ანდრე, საიდუმლოს გაუმხელს. ისინი შეიტყობენ, რომ G5 დანაყოფის ინჟინრებს დიდი დრო აღარ დარჩენიათ – მათ უკვე ზედმეტად ბევრი იციან, რის გამოც ინჟინრებს თავიდან მოშორებას უპირებენ. ანდრე მათ ბუნკერიდან თავის დასაღწევად გეგმას მისცემს – სწორედ აქ იწყება მთავარი თავგადასავლებიც.
საკუთარ მოთხრობაზე საუბრისას, სანდრო გვიზიარებს, რომ მისი დედააზრი თავისუფლებისთვის ბრძოლაა – „მოთხრობის მთავარი გმირის, მაიკის ინსპირაცია ისეთი ლიტერატურული გმირისგან მომდინარეობს, როგორიცაა უინსტონ სმიტი (1984. მაიკის მსგავსად, ისიც ტოტალიტარულ რეჟიმში მცხოვრები პიროვნებაა, რომელსაც მერყევი დამოკიდებულება აქვს სისტემის მიმართ. მათი მერყეობა კი საბოლოოდ წინ უძღვის ქმედებებს გარემოების შესაცვლელად და აქედან იწყება ბრძოლა თავის დასაღწევად“.
ჩვენი საუბრისას ასევე ირკვევა, რომ იდეათეკა გახსნის დღიდან სანდროს საყვარელ ადგილად იქცა – „იდეათეკა ძალიან საყვარელი ადგილი გახდა ჩემთვის როგორც უმდიდრესი წიგნთა ფონდით, ასევე ტექნიკური რესურსებით. მოხარული ვარ რომ სკოლაში გაჩნდა სივრცე, სადაც შეგიძლია ნახო შენთვის საინტერესო წიგნი
