სტუმარმასპინძლობის ჟინი – გაიცანით „ნეკრესის მამული“

კახეთი ყოველთვის იყო ადგილი, სადაც ბუნების სილამაზე, ღვინო და ტრადიციული სტუმარმოყვარეობა ერთად იყრიდა თავს. დღეს კი „ნეკრესის მამულს“ ეს გამოცდილება ახალ მწვერვალზე აჰყავს – სასტუმრო, მარანი, ტრადიციული რესტორანი და აუზის გარშემო არსებული სივრცე ბუნებასთან შერწყმის და დასვენების უნიკალურ შესაძლებლობას ქმნის.

„ნეკრესის მამულის“ თანადამფუძნებელი და დირექტორი, ოთარ ტაბატაძე გვიყვება, რომ ამ გზის გავლა მარტივი არ ყოფილა, თუმცა ჟინმა და შეუპოვრობამ ეს ამბიციური იდეა წარმატებამდე მიიყვანა.

რაც არ უნდა ამბიციური გეგმა გქონდეს, თუ ჟინი არ გაქვს, გზაზე აუცილებლად გაჩერდები. ეს საქმე განსაკუთრებით დიდ ენერგიასა და მოთმინებას მოითხოვს. სასტუმროს, მარნისა და რესტორნის განვითარება თავიდანვე გამოწვევად მიგვაჩნდა, მაგრამ ჟინმა არ მოგვცა დანებების უფლება

თავად პროექტის ისტორია ჯერ კიდევ 2019 წელს იწყება, როცა მშენებლობა დასრულდა. თუმცა მალევე პანდემიის დაწყებამ ყველაფერი შეცვალა და კომპანია ფინანსურ პრობლემამდე მიიყვანა.

მიუხედავად ამისა, ორი წლის შემდეგ, როცა სასტუმრო საბოლოოდ გაიხსნა, მსოფლიო ახალი გამოწვევის წინაშე აღმოჩნდა: უკრაინაში ომის დაწყებამ რეგიონში ტურისტული აქტივობა, ფაქტობრივად, შეაჩერა.

საბოლოოდ ყველა სირთულე გადაილახა და დღეს „ნეკრესის მამული“ ისევ ვითარდება. „ცოტა ხნის წინ ავაშენეთ ახალი ბლოკი, გავაფართოვეთ ტერიტორია, დავამატეთ აუზი, ახლა ვაკეთებთ სპას და საუნას. გვინდა, რომ სტუმარს ყველაფერი ჰქონდეს: დასვენება, ღვინო, კერძები და ბუნება” – ამბობს ოთარ ტაბატაძე.

მისი თქმით, საქართველოს ბანკმა ყველაზე რთულ დროს განსაკუთრებული მოქნილობა გამოიჩინა და ბიზნესს მასზე მორგებული პირობები შესთავაზა:

გვქონდა შეღავათიანი გრაფიკი, ვადაგადაცილებული სესხების რეფინანსირების შემთხვევა, საბრუნავი კაპიტალის მიწოდება და ა.შ. ყველაზე მნიშვნელოვანი იყო საინვესტიციო სესხები, რომლითაც ახალი ბლოკი და ინფრასტრუქტურა ავაშენეთ. საქართველოს ბანკმა დაგვაჯერა, რომ ჩვენი ჟინი მხარდაჭერად ღირდა

თავდაუზოგავი შრომისა და მუდმივი განვითარების ფონზე, ოთარი ამბობს, რომ მნიშვნელოვანია საქმის კეთების ჟინს მხარდამჭერიც გამოუჩნდეს.

საქართველოს ბანკის ჩართულობისა და დახმარების გარეშე, ეს პროექტი ვერ შედგებოდა. რესტორანი, რომელიც დღეში 300-დან 500-მდე სტუმარს ემსახურება, სრულად არის აღჭურვილი ბანკის ლიზინგით შეძენილი ტექნიკით. აღჭურვილობა, ღუმელები, დანადგარები – ეს ყველაფერიც ბანკის დახმარებით შევიძინეთ