არარეზიდენტები: ახალი პირობები უცხოური ვალუტის ანგარიშებზე

2021 წლის 20 ოქტომბრიდან ცვლილებები შედის ფიზიკური პირების საბანკო მომსახურების საერთო პირობებში. კერძოდ, არარეზიდენტი მომხმარებლებისთვის დაწესდება ანგარიშების მართვის მომსახურების საკომისიო შემდეგ ვალუტებში გახსნილ ანგარიშებზე:

• ევრო
• შვეიცარიული ფრანკი
• დანიური კრონი
• ისრაელის შეკელი
• იაპონური იენი
• ნორვეგიული კრონი
• შვედური კრონი

საკომისიო შეეხება შემდეგი ტიპის ანგარიშებს:

• მიმდინარე ანგარიშები – სტანდარტული, საბარათე, უნივერსალური
• მოთხოვნამდე სადეპოზიტო (საანაბრე) ანგარიშები

საკომისიოს განსაზღვრის პრინციპი

საკომისიოს თანხა შემდეგი წესით იანგარიშება:

• ნაშთების დაჯამება: ყოველი კალენდარული თვის ბოლოს დაჯამდება თვის განმავლობაში ყოველი დღის ბოლოს მდგომარეობით ზემოაღნიშნულ ვალუტებში გახსნილ თქვენს სარგებლობაში არსებულ ნებისმიერი ტიპის ანგარიშებზე არსებული ნაშთის და ბანკის შიდასაბანკო ანგარიშზე განთავსებული თქვენი თანხების ეკვივალენტი ლარში ეროვნული ბანკის მიერ დადგენილი კურსით.
• საშუალო ოდენობის გამოთვლა: გამოითვლება ამ გზით დათვლილი ჯამების საშუალო ოდენობა თვის განმავლობაში.
• საკომისიოს დარიცხვა: იმ შემთხვევაში, თუ ამ წესით დათვლილი საშუალო ჯამური ნაშთი გადააჭარბებს 1 000 000 (ერთ მილიონ) ლარს, მხოლოდ 1 000 000 ლარს ზემოთ არსებულ საშუალო ჯამურ ნაშთზე დაგერიცხებათ ანგარიშის მართვის საკომისიო წლიური 0.5%-ის ოდენობით.

თითოეული კალენდარული თვის საკომისიოს დარიცხვა განხორციელდება მხოლოდ ერთხელ, მიუხედავად იმისა, თუ რამდენ ანგარიშზე არსებული ნაშთის გაანგარიშებით მოხდა საკომისიოს დარიცხვა.

გავლენა მოთხოვნამდე ანაბარზე

აქვე მოგახსენებთ, რომ იმ შემთხვევაში, თუ თქვენ სარგებლობთ მოთხოვნამდე ანაბრით ზემოაღნიშნულ ვალუტებში და თქვენს ანგარიშებზე არსებული ნაშთის გათვალისწინებით დაგერიცხებათ ანგარიშების მართვის მომსახურების საკომისიო, თქვენს მოთხოვნამდე ანაბრის ეფექტური საპროცენტო განაკვეთი შემცირდება.

დამატებითი ინფორმაცია

დამატებითი შეკითხვების შემთხვევაში, გთხოვთ, მიმართოთ თქვენს მომსახურე ბანკირს ან ფილიალს.