როგორ მივცეთ ბავშვებს საუკეთესო ონლაინ განათლება უფასოდ?

იმისათვის რომ დღევანდელ დღეს კიდევ უფრო მეტად ვიზრუნოთ ჩვენი მომავალი თაობის განვითარებაზე, საქართველოს ბანკისა და კომპანია „წიგნების თაროს“ პარტნიორობით შეიქმნა ყველასათვის ხელმისაწვდომი ონლაინსკოლა, რომელიც იზოლაციის პერიოდში დაწყებითი კლასების მოსწავლეებს უფასო კლასგარეშე გაკვეთილებს სთავაზობს.

დაარეგისტრირეთ თქვენი ბავშვები ონლაინსკოლის სასურველ ან ყველა საგანზე 16 აპრილის ჩათვლით და უკვე 21 აპრილიდან მათ ელით განსაკუთრებული თავგადასავალი!

პროცესი მაქსიმალურად ინტერაქციული და გასართობი იქნება − თამაშებისა და სხვადასხვა მულტიმედიური საშუალების დახმარებით პატარები ისწავლიან როგორც სასკოლო, ისე არასასკოლო საგნებს, მათ შორის, ქართულს, ინგლისურსა და გერმანულს, განმავითარებელ მათემატიკას, ბუნებას, მითოლოგიას, საქართველოს ისტორიას, მე და საზოგადოებას, ადამიანსა და ჯანმრთელობას, ხატვას, მუსიკას, ხელოვნების ისტორიასა და მსოფლიო ლიტერატურას. ეს ყველაფერი კი მათ კომპლექსურ განათლებას შეუწყობს ხელს.

არ გავჩერდეთ და ერთად დავძლიოთ არსებული გამოწვევა!

ერთად ყველაფერი შესაძლებელია 

 

ონლაინსკოლის დასაწყისი: 21 აპრილი

გაკვეთილების დრო: 15:00-დან 18:00 სთ-მდე 

1 გაკვეთილის ხანგძლივობა: 30 წუთი