ხშირად ჰგონიათ, რომ თინეიჯერები აღარ კითხულობენ, ჰყავთ მხოლოდ ვირტუალური მეგობრები და თავისუფალ დროს უმეტესად კომპიუტერულ თამაშებთან ერთად ატარებენ. იდეათეკების ერთგული მკითხველები კი მსგავს სკეპტიკურ წარმოდგენებს აქარწყლებენ.
14 წლის ალექსანდრე დობორჯგინიძე თბილისის 146-ე საჯარო სკოლაში სწავლობს, მე-10 კლასშია და სურს, არქიტექტორი გახდეს. თავისი სამომავლო მიზნების მისაღწევად იდეათეკას ხშირად სტუმრობს, რადგან იქაური გარემო ძალიან მოსწონს. იდეათეკის მრავალფეროვანი არჩევანიდან უპირატესობას ისტორიული ჟანრის წიგნებსა და რომანებს ანიჭებს. ალექსანდრემ გაგვიზიარა შთაბეჭდილებები ორი საყვარელი წიგნის შესახებ, რომლებიც იდეათეკაში აღმოაჩინა.
ავსტრიელი დრამატურგისა და რომანისტის, თომას კენილის ბიოგრაფიული რომანი ,,შინდლერის სია“ მოგვითხრობს ამბავს ოსკარ შინდლერის შესახებ, რომელმაც ჰოლოკოსტის დროს ასობით ებრაელი იხსნა სიკვდილისგან. როგორც ალექსანდრე ამბობს, წიგნის დასასრულმა დიდი საფიქრალი და ემოცია დაუტოვა.
,, ვფიქრობ, ყველა ჩემმა თანატოლმა უნდა წაიკითხოს ეს წიგნი. ,,შინდლერის სია“ არის უანგარო სიკეთისა და გმირობის მაგალითი, ყველას ასწავლის, რომ ერთ ადამიანსაც კი შეუძლია სამყაროს შეცვლა, თუ მოინდომებს“.
მეორე გამორჩეულ წიგნად ალექსანდრე ქართველი ავტორის, თემურ ბაბლუანის სათავგადასავლო რომანს ,,მზე, მთვარე და პურის ყანა“ ასახელებს.
,,წიგნი არის ერთი თბილისელი შეყვარებული ბიჭის შესახებ, რომელიც სხვისი დანაშაულის გამო იხდიდა სასჯელს, მისმა განვლილმა ცხოვრებამ და თავგადასავლებმა ძალიან დამაინტერესა. რომ შემეძლოს, წიგნის რომელიმე პერსონაჟი ვიყო, ალბათ ამ წიგნში ვიცხოვრებდი და მთავარი პერსონაჟი, ჯუდე ანდრონიკაშვილი ვიქნებოდი. წიგნის კითხვა რომ დავასრულე, ის განცდა დამრჩა, რომ ცხოვრებაში რაც უნდა ცუდი მოხდეს, არ უნდა დანებდე და წინსვლა განაგრძო.“
საქართველოს ბანკი ქვეყანაში განათლების ხარისხისა და ხელმისაწვდომობის გაზრდისთვის არაერთ პროექტს ქმნის და სწორედ ერთ-ერთი ასეთი წარმატებული პროექტია იდეათეკა სკოლებში. იდეათეკა თანამედროვე ტექნოლოგიებითა და მრავალფეროვანი ელექტრონული რესურსებით უზრუნველყოფილი სივრცეა, რომელიც მოსწავლეებს აძლევს თავისუფლებას, იკითხონ, იფიქრონ და მომავლის შესაძლებლობები დაინახონ. ამჟამად 16 იდეათეკა ფუნქციონირებს როგორც თბილისის, ისე მაღალმთიანი რეგიონების, ეთნიკური უმცირესობით დასახლებული და სიღარიბის მაღალი მაჩვენებლის მქონე ქალაქების, საზღვრისპირა სოფლების სკოლებში. უახლოეს მომავალში კიდევ უფრო მეტი მსგავსი სივრცე გაიხსნება მომავალი თაობისთვის განათლების სრულფასოვანი პირობების შესაქმნელად.
მზა ჩანაწერებს ვიყენებთ ვებგვერდის გამართულად მუშაობისთვის და თქვენი გამოცდილების გასაუმჯობესებლად. შეგიძლიათ თავად აირჩიოთ, რომელი მზა ჩანაწერების შეგროვებას ეთანხმებით. დეტალებისთვის, იხილეთ მზა ჩანაწერების (Cookies) მართვის პოლიტიკა
მართვა
პარამეტრები
აირჩიეთ ჩანაწერების მართვის პარამეტრი - დაეთანხმეთ ყველას, გათიშეთ არასავალდებულო ან თავად აირჩიეთ. შეცვლა ნებისმიერ დროს შეგიძლიათ
ეს ჩანაწერები აუცილებელია ვებგვერდის გამართული და უსაფრთხო ფუნქციონირებისთვის. მათი გამორთვის შემთხვევაში ვებგვერდით ვერ ისარგებლებთ
ამ ჩანაწერებით ვაანალიზებთ, როგორ იყენებთ ვებგვერდს და მონაცემებს თქვენი გამოცდილების გასაუმჯობესებლად ვიყენებთ
ეს ჩანაწერები გვეხმარება, ვებგვერდზე თქვენი ინტერესების შესაბამისი შეთავაზებები დაგახვედროთ