თუ ფეხბურთს უყურებ, გეცოდინება, რამხელა მნიშვნელობა აქვს გულშემატკივრობას. არაერთხელ უთქვამთ ფეხბურთელებს, მათ შორის ჩვენს ბიჭებსაც, რომ როცა სტადიონზე ან სხვა ფორმით, თუნდაც სოციალურ ქსელებში მხარდაჭერას გრძნობენ, თამაშსაც გაორმაგებული მოტივაციით უდგებიან და შესაბამისი შედეგიც იდება.
საქართველოს ნაკრებს წინ ორი დიდი მნიშვნელოვანი შეჯიბრი აქვს – ესპანეთთან (8 სექტემბერს) და ნორვეგიასთან (12 სექტემბერს). როგორც ყველა სხვა მატჩზე, აქაც არ უნდა დაგვავიწყდეს, რომ ნაკრებს განსაკუთრებული გვერდში დგომა ვაჩვენოთ. მხარდაჭერის გამოხატვა ბევრი ფორმით შეიძლება – სტადიონზე დასწრებით, სოციალურ ქსელებში, ტელეეკრანებთან და სპეციალურად ფეხბურთის მატჩისთვის მოწყობილ რესტორანში, პაბსა თუ ბარში. თუმცა, საქართველოს ბანკის მომხმარებლებისთვის ამ ყველაფერთან ერთად ნაკრების გულშემატკივრობის კიდევ ერთი ფორმა არსებობს – საგულშემატკივრო ბარათი.
ამ ბარათის აღებას 23 სექტემბრამდე მობილბანკში სრულიად უფასოდ შეძლებ და ყველაზე მთავარი – შეგიძლია, შენ თვითონ შეარჩიო ბარათის დიზაინი საყვარელი ფეხბურთელის ნომრით. გარდა იმისა, რომ კიდევ ერთი ფორმით შეძლებ, ეროვნულ ნაკრებს დაუჭირო მხარი, ამ ბარათს კონკრეტულად ფეხბურთის გულშემატკივრებზე მორგებული შეთავაზებები აქვს – ეროვნული ნაკრების ოფიციალურ საგულშემატკივრო მაღაზიაში fanshop.ge მუდმივ, 15%-იან ფასდაკლებას მიიღებ და თუ 8 სექტემბერს საქართველო-ესპანეთის მატჩს დაესწრები, სტადიონზე მდებარე საკვებ ობიექტებში გადახდილი თანხის 50% დაგიბრუნდება (მაქსიმუმ 50 ლარი). ბარათის ასაღებად ფილიალში მისვლა არ არის საჭირო, მის გააქტიურებას მობილბანკში ან ვებგვერდზე, რამდენიმე კლიკით მარტივად შეძლებ.
ნაკრების წარმატება გულშემატკივრობაზეც დგას, ამიტომ არ უნდა დაგვავიწყდეს, რომ სადაც ვიქნებით და რა ფორმითაც შევძლებთ, მათ ჩვენი მხარდაჭერა ვაჩვენოთ და გავამხნეოთ. თუ თბილისში ხარ, სტადიონზე მისვლით, თუ სხვა ქალაქსა ან რეგიონში – ტელეეკრანებთან და სოციალურ ქსელში და ყველგან – საგულშემატკივრო ბარათით.
ისღა დაგრჩენია, ბარათი გააქტიურო, fanshop.ge-ზე ნაკრების მაისური და აქსესუარები შეარჩიო, საქართველო-ესპანეთის მატჩისთვის მოემზადო და 8 სექტემბერს ბორის პაიჭაძის სახელობის სტადიონზე გაეშურო. და არ დაგავიწყდეს, თამაშის ყურების პარალელურად საკვებსა და სასმელს 50%-ით ნაკლებ ფასად შეიძენ შენი საგულშემატკივრო ბარათით.
