საქართველოში გამართული ევროპის ახალგაზრდული ჩემპიონატის მეოთხედფინალურ მატჩს (საქართველო U21 V ისრაელი U21) ამ ტურნირის ისტორიაში სტადიონზე რეკორდული რაოდენობის გულშემატკივარი დაესწრო – 44 338 ადამიანი!
წარმოიდგინეთ, ეს ტურნირი არსებული ფორმატით 1978 წლიდან იმართება, მოვლილი აქვს ლამის ყველა საფეხბურთო ქვეყანა ევროპის კონტინენტზე, მაგრამ მხოლოდ ჩვენ მოვახერხეთ და დავამყარეთ ეს რეკორდი. მეტიც, საუკეთესო მეორე და მესამე შედეგიც ამავე ტურნირზე თბილისში დაფიქსირდა.
ამ უახლესი მაგალითის გარდა სხვა ბევრი მტკიცება არც სჭირდება იმ ფაქტს, რომ საქართველოში სპორტი, კონკრეტულად კი ფეხბურთი, განსაკუთრებით გვიყვარს. ვნახეთ, რომ ეს ასეა სტატისტიკურად და ეს მუდამ იგრძნობა ქართველი ხალხის განწყობაში.
საქართველოს ბანკისა და ეროვნული ნაკრების თანამშრომლობით, ეს განწყობა უკვე ციფრულ ბარათებზეც გადავიდა. საქართველოს ბანკის მომხმარებელს უკვე აქვს შესაძლებლობა, შეარჩიოს მისთვის სასურველი საგულშემატკივრო ციფრული ბარათი შესაბამისი დიზაინით: ეროვნული ნაკრების საფეხბურთო ფორმის დიზაინი და საყვარელი ფეხბურთელის ნომერი.
მაგალითად, თუ ხარ საქართველოს ეროვნული ნაკრების დიდი ქომაგი და განსაკუთრებით გიყვარს ზურიკო დავითაშვილი, გაქვს შესაძლებლობა ამ საგულშემატკივრო ემოციის ვიზუალიზაცია მოახდინო შენს ციფრულ ბარათზე და აირჩიო ულამაზესი თეთრი ფორმის დიზაინი 9-ნომრიანი მაისურით.
ბარათი მხოლოდ ციფრულია. მისი დამატება შესაძლებელია Google Pay-ში და/ან Apple Pay-ში და მას ისევე გამოიყენებ, როგორც ჩვეულებრივ საბანკო ბარათს.
რა თქმა უნდა, ასეთი ერთგული გულშემატკივრები ისარგებლებენ განსაკუთრებული პირობებითაც: ეროვნული ნაკრების ოფიციალურ საგულშემატკივრო მაღაზიაში – fanshop-ge-ზე საგულშემატკივრო ციფრული ბარათის გამოყენებისას 15%-იანი ფასდაკლებით სარგებლობის უპირატესობა გექნება.
აიღე საქართველოს ბანკის ციფრული ბარათი და გამოხატე შენი გულშემატკივრობა!
