Rebookify – როგორ ეხმარება AI ტურისტულ სააგენტოებს მოგების შენარჩუნებაში 

ლატვიური სტარტაპის, Rebookify-ს მიზანია ტურისტული სააგენტოების ერთ-ერთი ყველაზე მტკივნეული პრობლემა გადაჭრას და იზრუნოს იმ მოგების დაბრუნებაზე, რომელსაც ბაზრის მუდმივი ცვალებადობის გამო, კომპანიები ხშირად კარგავენ. 

პატარა და მოქნილ გუნდს, რომელსაც TravelTech-ის, ავტომატიზაციისა და B2B გაყიდვების დიდი გამოცდილება აქვს, შეუძლია სწრაფად მუშაობა და მალევე გატესტვა. ბლოგში სტარტაპის და 500 Global in Eurasia პროექტის შესახებ უფრო მეტს Rebookify-ს თანადამფუძნებლისგან, მატისს რეინის პურინშისგან გაიგებ.

სტარტაპი 500 Global in Eurasia-ს მე-9 ნაკადის მონაწილეა.

პრობლემიდან სტარტაპამდე

ტურისტულ სააგენტოში მუშაობისას Rebookify-ს გუნდი ბიზნესის ერთ თავისებურებას დააკვირდა: სააგენტოები ყოველდღიურად კარგავენ მოგებას, რადგან სასტუმროების ფასები ჯავშნის გაკეთების შემდეგაც მუდმივად იცვლება, თანამშრომლებს კი არ აქვთ დრო და რესურსი, რომ ასობით უკვე გაკეთებული ჯავშანი ამოწმონ. 

სწორედ ეს იყო ის “აჰააა“ რომელმაც Rebookify შექმნა.  პლატფორმა, რომელიც გამოსავალს ამ პროცესის ავტომატიზაციაში ხედავს.

როგორ მუშაობს Rebookify?

Rebookify-ში ქმნიან პრაქტიკულ, ეფექტიან სისტემას ტურისტული ბიზნესისთვის.

• ავტომატური მონიტორინგით სისტემა აკვირდება უკვე გაკეთებულ, დაბრუნებად (refundable) ჯავშნებს
• მყისიერი შეტყობინებით აცნობებს სასტუმროს ფასის კლებაზე
• მოგების გასაზრდელად აგენტი აუქმებს ძველ ჯავშანს და აკეთებს ახალს უფრო დაბალ ფასად, სხვაობას კი მოგების სახით ინარჩუნებს

აღწერილი სისტემით ტურისტულ სააგენტოებთან ერთად მათი მომხმარებლებიც კმაყოფილი რჩებიან, რადგან სააგენტოებს შესაძლებლობა ეძლევათ, მათ უკეთესი პირობები შესთავაზონ.

გაკვეთილი 500 Global in Eurasia-დან

500 Global in Eurasia-ს პროგრამამ გუნდს დაანახა, რომ მთავარია მთელი ყურადღების მიზნისკენ მიმართვა. ამასთან, დაარწმუნა ისინი, რომ ხარისხი პროდუქტიულობის მთავარი მარკერია. მატისს რეინის სიტყვებით ჯობს:

                   აკეთო ნაკლები, მაგრამ გამორჩეულად კარგად

მრავალი ფუნქციის დამატების ნაცვლად, გუნდმა გადაწყვიტა, რომ სრულად კონცენტრირდნენ მთავარ ფუნქციონალზე, რომელსაც სააგენტოებისთვის მყისიერი, გაზომვადი შედეგი მოაქვს.

დემო დღე და სამომავლო გეგმები

დემო დღის შემდეგ Rebookify ევროპის მასშტაბით გაფართოებას და ტურისტულ სააგენტოებთან გაყიდვების დაჩქარებას გეგმავს. გრძელვადიანი ხედვა კი ბევრად ამბიციურია:

Rebookify უნდა იქცეს ტურისტული სააგენტოების საოპერაციო სისტემად, რომელიც ყველა ჯავშნის უკან იდგება
– თანადამფუძნებელი მატისსს რეინი პურინში

და ბოლოს, 1 რჩევა გუნდისგან

დამფუძნებლების თქმით, არ არის საჭირო იდეალური პროდუქტი. საჭიროა რეალური მომხმარებელი, რომელიც მზად იქნება, გააკეთოს ინვესტიცია რეალური პრობლემის გადაჭრაში. ამიტომ:

დაიწყეთ მცირედით და იდეის ეფექტურობა რეალურ სამყაროში რაც შეიძლება მალე გამოცადეთ
– მატისს რეინი პურინში

გაიცანით მე-9 ნაკადის სხვა მონაწილეებიც:

საქართველოს ბანკი ლონდონის ტოპ 100-ში – რას ნიშნავს FTSE 100 ინდექსის წევრობა

საქართველოს ბანკი ლონდონის ტოპ 100-ში – რას ნიშნავს FTSE 100 ინდექსის წევრობა

საქართველოს ბანკი ლონდონის ტოპ 100-ში – რას ნიშნავს FTSE 100 ინდექსის წევრობა

საქართველოს ბანკი ლონდონის ტოპ 100-ში – რას ნიშნავს FTSE 100 ინდექსის წევრობა