ხელოვნური ინტელექტი ეფექტური რეკლამისთვის – AdMagica

500 Global in Eurasia აქსელერაციის პროექტის მე-9 ნაკადის მონაწილე სტარტაპის, AdMagica-ს დამფუძნებელ გიგი კურტანიძეს სჯერა, რომ წარმატების მიღწევის საიდუმლო ინგრედიენტი სარეკლამო სფეროს ხელოვნური ინტელექტია და სურს ის თანაბრად ხელმისაწვდომი გახადოს მცირე და საშუალო ბიზნესებისთვის.

სწორედ ამ იდეამ უბიძგა მას AdMagica-ს შექმნისკენ – ინოვაციური პლატფორმის, რომელიც ყოველთვიურად აანალიზებს Meta-ს მილიონზე მეტ საუკეთესო სარეკლამო მაგალითს და ამ მონაცემებზე დაყრდნობით, სთავაზობს მომხმარებლებს გადაწყვეტებს, რითაც ქართულ ბიზნესებს კონკურენტუნარიანს ხდის.

AdMagica აქსელერაციის პროგრამის, 500 Global in Eurasia-ს მე-9 ნაკადის მონაწილეა.

პრობლემიდან სტარტაპამდე

AdMagica-ს იდეა ამერიკულ ბრენდებთან თანამშრომლობისას დაიბადა. აშშ-ს eCommerce ბაზარზე მუშაობისას გიგი აკვირდებოდა, როგორ იზრდება გაყიდვები მაშინ, როცა პროცესი ხარისხიან კრეატივსა და მონაცემებზე დაფუძნებულ სარეკლამო სტრატეგიას აერთიანებს.

თანასწორი სარეკლამო სივრცის შესაქმნელად სტარტაპმა მიზნობრივ აუდიტორიად მცირე და საშუალო ონლაინ ბრენდები და ციფრული სააგენტოები აირჩია.

პირველ რიგში, იმიტომ, რომ ხელმისაწვდომობა მათ ყველაზე მეტად სჭირდებათ
და მეორე, ეს სეგმენტი ყველაზე სწრაფად რეაგირებს ცვლილებებზე და ყველაზე აშკარა პროგრესს აჩვენებს, როცა სწორი მიმართულება ეძლევა

რა არის AdMagica და როგორ მუშაობს?

AdMagica ბიზნესებს ციფრული მარკეტინგის სრულფასოვან მომსახურებას სთავაზობს.

ციფრულ მარკეტინგში დიდწილად დრო განსაზღვრავს კამპანიის წარმატებას. სასურველ მიზანს აღწევს ის, ვინც ყველაზე სწრაფად ქმნის ათასობით სარეკლამო ვარიაციას და მათგან ყველაზე ეფექტურის შერჩევაც დროულად შეუძლია
– გიგი კურტანიძე AdMagica-ს დამფუძნებელი

თუმცა, მცირე და საშუალო ბიზნესებისთვის ეს დიდი ფუფუნებაა, რადგან დიდი გუნდებისა და ძვირადღირებული სააგენტოების თანამშრომლობას მოითხოვს.

სწორედ მცირე და საშუალო ბიზნესების მხარდასაჭერად შეიქმნა AdMagica, რომლის სისტემაც მუშაობს როგორც „ციფრული თანამშრომელი“ და სამ ძირითად ფუნქციას ითავსებს:

• მონაცემების ანალიზი
• სტრატეგია და კრეატივი
• უწყვეტი ოპტიმიზაცია

3 გაკვეთილი 500 Global in Eurasia-ს აქსელერაციის პროგრამიდან

500 Global in Eurasia-ს აქსელერაციის პროგრამამ მნიშვნელოვანი როლი ითამაშა AdMagica-ს გუნდის ხედვაზე, მიღებული რჩევებიდან ისინი სამ ყველაზე დასამახსოვრებელს გამოყოფენ.

გაკვეთილი გაკვეთილი #1

პროდუქტი არ უნდა იყოს ყველასთვის, მას კონკრეტული მომხმარებელი უნდა ჰყავდეს, სთავაზობდეს მათ კონკრეტული პრობლემის გადაჭრის გზას, რითაც მათთვის შეუცვლელი გახდება.  AdMagica-ს სიძლიერე სწორედ იმაშია, რომ ის კონკრეტულ მომხმარებელს, ონლაინ ბრენდებსა და სააგენტოებს აძლევს იმას, რაც მათ ყველაზე მეტად სჭირდებათ – სარეკლამო ინტელექტს.

გაკვეთილი #2

თუ არ ზომავ, ვერ აუმჯობესებ. აქსელერაციის დროს ვისწავლეთ, რომ დაკვირვების გარეშე არაფერი გამოდის. ამიტომ, მომხმარებლის ქცევა დეტალურად უნდა შევისწავლოთ და პასუხები გავცეთ კითხვებს: რატომ აკეთებს მომხმარებელი ამა თუ იმ არჩევანს? რა აბრუნებს კომპანიასთან? რა აფერხებს მას?

გაკვეთილი #3

შეიძლება მსოფლიოში საუკეთესო სტარტაპ იდეა გქონდეს, მაგრამ სწორი, შეკრული გუნდის გარეშე წარმატებას ვერ მიაღწევ

დემო დღე და სამომავლო გეგმები

დემო დღეს Admagica, 500 Global in Eurasia-ს აქსელერაციის პროგრამის სხვა მონაწილეებთან ერთად, წარსდა წამყვანი კორპორაციებისა და ინდუსტრიის წარმომადგენლების წინაშე. გუნდი ღონისძიებაზე შეხვდა მომავალ სტრატეგიულ პარტნიორებს, რომლებმაც გაუზიარეს გამოცდილება და საერთაშორისო შესაძლებლობები.

პლატფორმის გრძელვადიანი ხედვა უფრო ფართოა – სამომავლოდ, AdMagica უნდა იქცეს პლატფორმად, სადაც ნებისმიერი ონლაინ ბრენდი შეძლებს სრულფასოვანი AI მარკეტინგული გუნდის სერვისების მიღებას ფოტო კრეატივით, სტრატეგიით, ანალიტიკით და უწყვეტი ოპტიმიზაციით ერთ სივრცეში.

და ბოლოს, ერთი რჩევა გუნდისგან

ცალკეული იდეა ნაკლებად ღირებულია, წარმატება მოქმედებას მოაქვს. არ დაელოდო იდეალურ მომენტს, უბრალოდ დაიწყეთ, თუნდაც ერთი პატარა ნაბიჯით. ყველაფერი დანარჩენი პროცესში გამოჩნდება!

გაიცანით მე-9 ნაკადის სხვა მონაწილეებიც:

მობილბანკის გათამაშება დასრულდა – ვინ მოიგო 250 000, 150 000 და 100 000 ლარი?

მობილბანკის გათამაშება დასრულდა – ვინ მოიგო 250 000, 150 000 და 100 000 ლარი?

მობილბანკის გათამაშება დასრულდა – ვინ მოიგო 250 000, 150 000 და 100 000 ლარი?

მობილბანკის გათამაშება დასრულდა – ვინ მოიგო 250 000, 150 000 და 100 000 ლარი?