რა გემოს უსინჯავს დიმიტრი რჩეულიშვილი ლეჩხუმს ქუთაისში?

გასტროლების ამ ეპიზოდში დიმიტრი რჩეულიშვილი ქუთაისს და მის შუაგულში, ისტორიულ შენობაში მდებარე რესტორან “დებს” ესტუმრა. რესტორანი “დები” სამმა დამ დააფუძნა და დასავლეთ საქართველოს სამი თვალსაჩინო ტრადიცია — არაჩვეულებრივი სამზარეულო, გემოვნებიანი მუსიკა და სახლური, უშუალო გარემო ერთ სივრცეში მოაქცია.

გასტროლების ამ სერიაში დიმიტრიმ დების დახმარებით ლეჩხუმური გასტრო-მოგზაურობა მოიწყო და ერთ გობში გაერთიანებული ავთენტური კერძები გასინჯა. ჯონჯოლი, ლობიო პომიდვრის საწებლით, ყველი, მჭადი, მჟავე, ერბო-კვერცხი ლეჩხუმური ლორით, ლობიანი, კიტრი და პომიდორი — ამ ყველაფრით, ჭიქა ტვიში-ცოლიკოურით და ცოცხალი მუსიკის თანხლებით დიმიტრი “გემოს უსინჯავს ლეჩხუმს”.

კიდევ ერთი მიზეზი, რის გამოც გასტროლები დებში თქვენც უნდა გაიმეოროთ, მისი ინტერიერია —  დებმა ის საკუთარი ხელით მოაწყვეს და ბუნებრივი მასალებით, სკულპტურებით, ძველებური ფოტოსურათებით თუ საქანელათი სრულიად ორიგინალური გარემო შექმნეს. დანარჩენს თავადაც ნახავთ — დაემგზავრეთ გასტროლებს ქუთაისში ამ ვიდეოთი: