მობილბანკის განახლება: სიახლეები, რომლებმაც შესაძლოა გაგაოცოს

საქართველოს ბანკის მობილბანკში სიახლეებია. აპლიკაციაში რამდენიმე მნიშვნელოვანი და გამოსადეგი ფუნქცია დაემატა, რომლებიც ყოველდღიურობას კიდევ უფრო გაგიმარტივებენ. ასე რომ, თუკი აქამდე რატომღაც არ გეგულებოდა მობილბანკი საკუთარ სმარტფონში, დროა, მის გადმოწერაზე იფიქრო; აქ ხომ ყველაფერი ერთ სივრცეშია თავმოყრილი — საბანკო-ფინანსური ოპერაციებიდან ცხოვრების სტილამდე და რჩევებამდე.

აი, კიდევ რას დაგხვდება მობილბანკში ამიერიდან:

ალბათ, უკვე გაიგებდი მობილბანკის თამაშის შესახებ, რადგან ყველა ისედაც ამაზე ლაპარაკობს ან ჩუმად მისჩერებია თავის სმარტფონს და მობილბნაკში მონეტებს აგროვებს მარკეტში საჩუქრებში გადასაცვლელად!

თუ ჯერ არ დაგიწყია თამაში, არა უშავს, ჯერ კიდევ გაქვს შანსი, რომ ამ საყოველთაო პროექტში ჩაერთო, რომელშიც ყველას შეუძლია მონაწილეობის მიღება, ვინც საქართველოს სრულწლოვანი მოქალაქეა და მობილბანკი აქვს. თამაშის წესებს დეტალურად შეგიძლია გაეცნო აქ.

რაც მთავარია, გახსოვდეს, რომ გრანდიოზული პრიზებისთვის შეგიძლია ითამაშო როგორც მარტო, ისე გუნდთან ერთად. ჯერ ისევ არ დაგიწყია თამაში? რაღას უცდი, სანამ ეს კვირაც მიწურულა, გახსენი მობილბანკი და ჩაერთე თავგადასავალში!

დეპოზიტის გაგრძელების შესაძლებლობა

ალბათ უკვე იცი, რომ მობილბანკში ანაბრის გახსნა მარტივად და სწრაფად შეგიძლია. გახსნილ დეპოზიტზე ზრუნვა კი უკვე დიდ ყურადღებას მოითხოვს. ასე რომ, მობილბანკი ამ საქმესაც გაგიმარტივებს: შეგროვებადი და ვადიანი ანაბრის ვადის გასვლამდე 10 დღით ადრე აპლიკაციაში შეტყობინება დაგხვდება და სამი ვარიანტიდან ერთის არჩევა მოგიწევს:

• პირობების ცვლილება: ანაბარი 10 დღეში გაგრძელდება, ოღონდ იმგვარად შეცვლილი პირობებით, როგორსაც თავად მოითხოვ;
• გაგრძელებაზე უარის თქმა: ამ შემთხვევაში, ვადის გასვლის შემდეგ, დეპოზიტის თანხა მომსახურე ანგარიშზე გადავა და ანაბარი აღარ გაგრძელდება;
• საერთოდ არაფრის გაკეთება: შეგიძლია ყველაფერი უცვლელად დატოვო. მაშინ ანაბარი იმავე პირობებით გაგრძელდება, რომლითაც გახსენი.
  
  

თუკი დასახული მიზნისთვის თანხის შეგროვება უფრო მალე და მარტივად გსურს, მობილბანკის ახალი ფუნქცია ამის შესანიშნავ შესაძლებლობას გაძლევს. შენ შეგიძლია ანაბარი კომბინირებულ შეთავაზებასთან ერთად გახსნა:

• ანაბარი და ავტომატური გადარიცხვა;
• ანაბარი და ყულაბა;
• ანაბარი, ყულაბა და ავტომატური გადარიცხვა.

თანხის მოთხოვნა ბმულით

ალბათ ხშირად გქონია ისეთი სიტუაცია, როცა მეგობარს სხვა ბანკიდან შენთვის თანხა აქვს გადმოსარიცხი, თუმცა, ამას დროც სჭირდება და ზოგჯერ დამატებითი ინფორმაციის მოთხოვნაც. ახლა კი ამ ყველაფერს უფრო მარტივად მოვაგვარებთ ხოლმე — მობილბანკის ახალი ფუნქციით, საქართველოში მოქმედი ნებისმიერი ბანკის ბარათიდან თანხას ნებისმიერ დროს მომენტალურად ჩაგირიცხავენ. ამისათვის საჭიროა, ჰაბში თანხის მოთხოვნის გრაფა მოძებნო, აირჩიო ბმულით თანხის მოთხოვნა და დააგენერირო ბმული, რომელსაც სახელს დაარქმევ. შემდეგ ამ ბმულს გაუგზავნი მეგობარს და ისიც მარტივად შეძლებს გადმორიცხვის შესრულებას.

ამ ყველაფრის გამოსაცდელად კი, რასაკვირველია, მობილბანკის აპლიკაცია უნდა გქონდეს. გადმოწერას შეძლებ Android ან iOS მოწყობილობებისთვის.