გაიცანი მობილბანკის გამარჯვებული დავით კორძახია, რომელმაც 80 000 ლარი მოიგო

ყოველდღიური ფინანსური ოპერაციების შესრულება მობილბანკით ჩვეულებრივი რუტინაა, რომელიც სულ რამდენიმე წამს ართმევს ადამიანს. თუმცა, სწორედ ამ მარტივმა ქმედებებმა დავით კორძახიას მოულოდნელი იღბალი, პირველი ადგილი და 80 000 ლარი მოუტანა. 

დავით კორძახია პროფესიით მასწავლებელია და ყოველდღიურ ცხოვრებაში აქტიურად იყენებს საქართველოს ბანკის სპეციალურ მასწავლებლის ბარათს. ის მობილბანკის საშუალებით ჩვეულებრივად ფარავდა კომუნალურ გადასახადებს და რიცხავდა თანხას სხვადასხვა საჭიროებისთვის, რითაც გათამაშების ფინალურ ბილეთებს აგროვებდა.

მნიშვნელოვანი სიახლის გაგების მომენტში დავითი სახლში, ოჯახთან ერთად იმყოფებოდა. პირველი ემოცია სრული მოულოდნელობა იყო, რადგან თავდაპირველად ყველაფერი მეგობრული ხუმრობა ეგონა.

მობილბანკში საკუთარი ინიციალების გადამოწმების შემდეგ ეჭვები გაიფანტა. ადრე დავითიც სკეპტიკურად უყურებდა მსგავს გათამაშებებს და მიიჩნევდა, რომ მოგების შანსი მინიმალური იყო, თუმცა რეალობამ მისი შეხედულება სრულად შეცვალა.

მოგებული 80 000 ლარი დავითს დიდი ხნის სურვილის ასრულებაში დაეხმარება. თანხის ნაწილს ის ოჯახთან ერთად იტალიაში სამოგზაუროდ გამოიყენებს.

მთავარი პრიზის გარდა, გათამაშების ფარგლებში კიდევ ორი დიდი ფულადი ჯილდო გაიცა. მეორე ადგილის მფლობელმა, ინიციალებით თ.ა., 50 000 ლარი მოიგო. მესამე ადგილზე გასულმა მონაწილემ, ინიციალებით ო.ტ., კი 20 000 ლარი. ყოველდღიური ფინანსური ოპერაციები და მობილბანკის აქტიური გამოყენება მათთვისაც იღბლიანი აღმოჩნდა.

როგორ მუშაობდა მობილბანკის გათამაშება

მობილბანკის გათამაშებაში, სადაც ჯამში 150 000 ლარიანი საპრიზო ფონდი გათამაშდა, ჩართვა ნებისმიერ მსურველს მარტივად შეეძლო. ბილეთების დაგროვება 27 ივლისიდან 30 სექტემბრის ჩათვლით ორი გზით ხდებოდა:

• საჩუქრის ყუთები: მობილბანკში შესრულებული თითოეული ოპერაცია (გადარიცხვები, გადახდები) იძლეოდა ყუთს, სადაც ფინალური ბილეთები ან PLUS ქულები ხვდებოდათ მომხმარებლებს.
• სპეციალური სკივრები: 5 განსხვავებული მისიის შესრულებითა და 5 გასაღების შეგროვებით მომხმარებლები გარანტირებულ 50 ფინალურ ბილეთს იღებდნენ.