საქართველოს ბანკი სხვადასხვა პროექტით ყოველთვის ცდილობს მხარი დაუჭიროს ბიზნესებისა და სტარტაპების განვითარებას. მათ შორის არანაკლებ პრიორიტეტულია აგრობიზნესის განვითარებაც.
ძლიერი აგრიკულტურული ბაზარი ხელს უწყობს ქვეყნის ეკონომიკურ სტაბილურობას, ამცირებს იმპორტზე დამოკიდებულების ხარისხს, ზრდის დასაქმების შანსებსა და რეგიონების განვითარების პოტენციალს. სწორედ ამიტომ, საქართველოს ბანკი, როგორც ადგილობრივი წარმოების მუდმივი მხარდამჭერი, ,,ფერმერთა დღის“ გენერალური სპონსორია.
ფერმერთა დღე საქართველოს ფერმერთა ასოციაციისა და საქართველოს გარემოს დაცვისა და სოფლის მეურნეობის სამინისტროს ერთობლივი ინიციატივით შეიქმნა. ღონისძიება 2015 წლიდან ტარდება და წლიდან წლამდე სულ უფრო იზრდება როგორც მონაწილეების, ისე დამსწრეების რაოდენობა.
პროექტი მიზანი ადგილობრივი წარმოებისა და მეწარმეების წახალისება, ფერმერების როლის ზრდა და მათი მაქსიმალური მხარდაჭერაა.
როგორც ფერმერები ამბობენ, ასეთი ღონისძიებები მათთვის განსაკუთრებით მნიშვნელოვანია არა მხოლოდ პროდუქციის რეალიზაციისა და პოპულარიზაციისთვის, არამედ კოლეგების გაცნობისა და ბიზნესისთვის საჭირო ახალი კონტაქტების მოძიებისთვის. ფერმერების ერთობლივი მუშაობა კი დადებით გავლენას ახდენს პროდუქციის ხარისხის გაუმჯობესებასა და დახვეწაზე.
ღონისძიების ერთ-ერთი მთავარი ნაწილი გამორჩეული ფერმერების დაჯილდოების ცერემონიაა. საპრიზო ნომინაციები საინტერესო და მრავალფეროვანია, აგრობიზნესის სხვადასხვა მიმართულების წახალისებასა და მხარდაჭერას ისახავს მიზნად: ქალი ფერმერების მოტივირება, საზღვრისპირა სოფლებში მეურნეობის განვითარება, წარმოების პროცესში გარემოს დაცვაზე ორიენტირება, მსჯავრდადებული ფერმერების წახალისება და ა.შ.
წელს წარმატებულ ფერმერებს პრიზები 11 ნომინაციაში გადაეცათ:
- წლის ფერმერი – რევაზ ბერიძე (რძის გადამუშავება, ყველის დამზადება)
- ექსპორტზე ორიენტირებული ფერმერი – ირაკლი ხუტურიძე (გუდის ყველის წარმოება)
- წლის აგროტურისტული ობიექტი – მარინა ბალასანიანი (საოჯახო სასტუმრო)
- კორპორაციული სოციალური პასუხისმგებლობის (CSR) მქონე აგრობიზნესი – ბესარიონ ჯანგირაშვილი (ჩირის წარმოება)
- განათლებაზე ორიენტირებული ფერმერი – ზურაბ სადათერაშვილი (ლოკოკინების ფერმა, მეკარტოფილეობა, მებოსტნეობა)
- ფერმერი საოკუპაციო ხაზთან – ზუკა მახარაშვილი (სასათბურე მეურნეობა)
- წლის აგრიტექ პროექტი – ზვიად მირიანიშვილი (ლურჯი მოცვის წარმოება)
- წლის ქალი ფერმერი – ნათია ღურწკაია (მებოსტნეობა, მეცხოველეობა, მერძევეობა)
- გარემოს დაცვაზე ორიენტირებული ფერმერი “ნანა ჯანაშიას სახელობის პრიზი” – გიორგი ხითარიშვილი (მემცენარეობა)
- სპეციალური პრიზი – მსჯავრდადებულებისთვის, ვინც პენიტენციურ დაწესებულებებში ფერმერობენ – თორნიკე შველიძე (ლოკოკინების ფერმა)
საქართველოს ბანკი მომავალშიც განაგრძობს აგრობიზნესების მხარდაჭერასა და ფერმერების წახალისებას. გაიგე მეტი საქართველოს ბანკის აგროპროდუქტებზე.
