როგორ აღმოვაჩინე, რომ PlayStation-ისთვის საკმარისი PLUS ქულები მქონდა

გუგას ისტორია ბევრი ჩვენგანისას ჰგავს. ის PLUS ბარათს ყოველდღიურად იყენებდა, თუმცა ქულების დაგროვებაზე აქტიურად არასდროს უფიქრია. 5 ივლისს კი აღმოაჩინა, რომ მისი „თავისით“ დაგროვილი ქულები საკმარისი იყო დიდი ხნის ოცნების ასასრულებლად.

გუგა, გამოდის, რომ ქულებს მიზანმიმართულად არ აგროვებდი?

სიმართლე გითხრათ, არა. უბრალოდ, ყველგან PLUS ბარათით ვიხდიდი – ბენზინგასამართ სადგურზე, სუპერმარკეტში, კაფეში. ქულები თავისით გროვდებოდა და ვერც კი ვხვდებოდი, რომ ზოგიერთ ამ ობიექტში, თურმე, უფრო მეტი ქულა მერიცხებოდა.

რა მოხდა 5 ივლისს?

როცა გავიგე, რომ დაგროვილი ქულები ორმაგდებოდა, მაშინვე ბალანსი შევამოწმე და საკმაოდ გამიკვირდა. თავიდან ფეხსაცმლის ყიდვა გადავწყვიტე, მაგრამ სავაჭრო ცენტრში აღმოვაჩინე, რომ აქცია ტექნიკის მაღაზიებშიც მოქმედებდა. ჩემს საოცნებო PlayStation-ს რომ შევხედე, არჩევანი იქ უკვე მარტივი იყო.

მაგრამ ქულები სრულად არ გეყო, არა? როგორ მოიქეცი?

მართალია, ქულები მთლიან თანხას არ ფარავდა. კონსულტანტმა მირჩია, კომბინირებული გადახდა გამომეყენებინა: თანხის დიდი ნაწილი დავფარე გაორმაგებული PLUS ქულებით, დარჩენილი მცირე ნაწილი კი „ნაწილ-ნაწილ“ გადახდით ავიღე. მაღაზიიდან PlayStation-ით გამოვედი ისე, რომ იმ მომენტში დამატებითი თანხა არც გადამიხდია.

რა შეცვალა ამ გამოცდილებამ?

ამ დღემ უდიდესი მოტივაცია მომცა. როცა ხვდები, რომ თითქმის არაფრის კეთებით შეძელი საოცნებო ნივთის ყიდვა, წარმოიდგენ, რას შეძლებ, თუ ცოტა სტრატეგიასაც მოიშველიებ. ამიერიდან აუცილებლად გამოვიყენებ შეთავაზებებს და ქულებს ბევრად ჭკვიანურად დავაგროვებ.

გუგას სტრატეგია მოკლედ

• გამოიყენე PLUS ბარათი ყველგან – ყოველდღიური, „უხილავი“ ხარჯებიც კი შესამჩნევ რაოდენობას აგროვებს.
• არასაკმარისი ქულები პრობლემა არაა – ისარგებლე კომბინირებული გადახდით და დარჩენილი თანხა ნაწილ-ნაწილ დაფარე.
• შედეგი საუკეთესო მოტივაციაა – პირველი წარმატებული შენაძენის შემდეგ ქულების დაგროვება ბევრად აზარტული ხდება.

გუგას მსგავსად, შენც შეგიძლია შენი ყოველდღიური ხარჯები დიდ შენაძენად აქციო.

➔ ნახე 5 ეფექტური ხრიკი PLUS ქულების სწრაფად დასაგროვებლად