მოდი, გულწრფელად ვთქვათ… ზოგჯერ გვაქვს განცდა, რომ ფული არაფერში გვყოფნის, უაზრობებზე ვხარჯავთ და სწორედ ამიტომ ვიწყებთ ფიქრს დაზოგვაზე, გამოსავლის პოვნას ვცდილობთ. თუმცა ხშირად მხოლოდ ჩვენი ძალებით ნაკლებად გამოგვდის წარმატებული შედეგების მიღწევა..
თუ მართლა გინდა ცვლილებები დღესვე შეიგრძნო, ქვემოთ ნახავ 5 საბანკო რჩევას, რაც ფულის ეფექტიანად მართვასა და, რაც მთავარია, რეალურად დაზოგვაში დაგეხმარება. შემდეგ ალბათ შენვე გაგიკვირდება, როცა გაიაზრებ, რა დიდი შედეგის მომტანი შეიძლება იყოს სულ პატარა, მაგრამ გონივრული ნაბიჯი.
1. ნაღდი ფული იშვიათად გამოიყენე
ყოველთვის სჯობს, ბარათით გადაიხადო და თანხა არ გაანაღდო, რადგან ქეში როცა გაქვს, ნაკლებად აკონტროლებ, სად რამდენი დახარჯე.
ყველაფერს რომ თავი დავანებოთ, ზოგი ბარათიდან განაღდება დამატებით საკომისიოს მოითხოვს და თუ დაზოგვა გინდა, მით უფრო უნდა შეიკავო თავი ამ ტრანზაქციისგან. თუ არ გაქვს, შეგიძლია SMS ბანკი ჩართო და ბარათით შესრულებულ გადახდებზე დეტალურ ინფორმაციას მომენტალურად მიიღებ მობილურზე.
გარდა ამისა, შენს ტრანზაქციებს მობილბანკშიც ნახავ… ძალიან მარტივია, წამებში ამოწმებ ყველაფერს, მაგალითად, ანგარიშზე ხელმისაწვდომ თანხას, გადახდებს, ჩარიცხვებს და ა.შ.
2. ჩართე ყულაბა მობილბანკში ან ინტერნეტბანკში
თანხის დაზოგვას და მეტიც, დაგროვებას მარტივად შეძლებ, თუ მობილბანკში საქართველოს ბანკის პროდუქტს – ყულაბას გაიაქტიურებ.
კარგია ისიც, რომ ყულაბის ჩართვა უფასოა და პროცესიც სრულად ავტომატური, ანუ დანაზოგი შენგან შეუმჩნევლად იქმნება, დაგროვებულ თანხას კი იყენებ ნებისმიერ დროს, როცა გჭირდება.
თუ ფიქრობ, რომ ყულაბა შენთვისაა, აი რა უნდა გააკეთო:
- შედი მობილბანკში
- პროდუქტების გვერდიდან აირჩიე ყულაბა
- იქვე მონიშნე ერთი ან რამდენიმე ანგარიში, საიდანაც წინასწარ განსაზღვრული თანხა შენი ყულაბის ანგარიშზე ავტომატურად ჩაგერიცხება ხოლმე
- აი მაგალითად, რამდენიმე თანხიდან აირჩევ ერთ-ერთს: 0.25, 0.5, 1, 2, 3, 4, 5 ან 10 ლარს
- შემდეგ შეასრულებ ტრანზაქციებს – გადაიხდი ბარათით მაღაზიაში, გადარიცხავ თანხას და ა.შ.
უფრო ზუსტად რომ გითხრათ, თუ 1 ლარს აირჩევ და მერე მაღაზიაში 10-ლარიან რამეს იყიდი, ანგარიშიდან სულ 11 ჩამოგეჭრება… 10 ლარი მაღაზიაში დარჩება, 1 ლარი კი შენი ყულაბის ანგარიშზე გადაირიცხება.
ასე თანხას დააგროვებ ყოველთვის, როცა დახარჯავ.
3. დაიხმარე ფინანსური მენეჯერი
მობილბანკში ფინანსური მენეჯერის ფუნქციასაც ნახავ, რომელიც დღის, კვირის, თვის ან, თუნდაც, წლის ჭრილში შენი ფინანსების შესახებ დეტალურად მოგიყვება.
ანუ ერთ სივრცეში:
- მიადევნებ თვალს შენს შემოსავლებსა და ხარჯებს
- გაეცნობი ფულის ზოგად დინამიკას
- თუ მოგინდება, მიიღებ ამონაწერს
- დაგეგმავ თვის ბიუჯეტს და სხვა
ეს პროცესი სახალისოც კია, თუმცა მთავარ მიზანს, რაც გაქვს, რომ მეტი ფული დაზოგო, ნამდვილად უფრო სწრაფად მიუახლოვდები. დაიწყე დაგეგმვა შენც.
4. დაიწყე ინვესტირება მობილბანკით
რა სჯობს იმას, რომ სახლიდან გაუსვლელად და, თან, მართლა წამებში შეგიძლია გახდე Tesla-ს, Google-ის, Coca-Cola-ს და სხვა წამყვანი კომპანიების აქციონერი, ანუ იყიდო აქციები ან სხვა ფასიანი ქაღალდები, მიიღო დივიდენდი და სხვა დამატებითი შემოსავალი
ჰოდა, სწორედ ამის შესაძლებლობას გაძლევს მობილბანკი, ეს კი კიდევ ერთი გზაა, რომ ფული, რასაც ალბათ უმნიშვნელო რამეზე დახარჯავდი, დააბანდო და გონივრულად გამოიყენო
თუ ჯერ კიდევ არ გაქვს, საინვესტიციო ანგარიშის გახსნა მობილბანკში სულ რაღაც 2 წუთში შეგიძლია, პროცესი კი მართლა ძალიან მარტივია
- პროდუქტების გვერდზე აჭერ ინვესტიციებს
- იქვე ეცნობი იმ უპირატესობებს, რასაც ანგარიშის გახსნის შემდეგ მიიღებ
- და იწყებ რეგისტრაციას
- პროცესში შენი მეილი და პირადობის მოწმობა დაგჭირდება
- წერ ამ მეილის მისამართს და მიღებულ 4-ნიშნა კოდს
- შეგყავს შენი საქმიანობის შესახებ მოკლე ინფორმაცია
- და გადადიხარ დოკუმენტის გადამოწმებაზე
- ამისთვის ასკანერებ შენი პირადობის წინა და უკანა მხარეებს
- ეცნობი და ეთანხმები პირობებს და სულ ესაა
- მოგივა SMS-ი, რომ შენი საინვესტიციო ანგარიში გახსნილია
5. გახსენი ანაბარი მობილბანკში
შეიძლება ტრადიციული, თუმცა ასევე ეფექტიანი გზა თანხის დასაგროვებლად ანაბრის გახსნაა. მთავარია, შენს მიზანზე მორგებულ ანაბარი აირჩიო, რაშიც მობილბანკი დაგეხმარება.
გახსენი აპლიკაცია, დააჭირე − მირჩიე ანაბარს, იქვე უპასუხე 2-3 კითხვას და აპლიკაცია თვითონ გირჩევს, 3-დან რომელი ანაბარი გამოგადგება
- მოთხოვნამდე (ეფექტური 5.1%-მდე) – ხსნი ნებისმიერი საწყისი თანხით და გაგაქვს ნებისმიერ დროს;
- ვადიანი (ეფექტური 11.4%-მდე) – იღებ 0.25%-ით მეტ სარგებელს ციფრულ არხებში და მაღალ საპროცენტო განაკვეთს;
- შეგროვებადი (ეფექტური 11.4%-მდე) – ამატებ თანხას ნებისმიერ დროს და იღებ 0.25%-ით მეტ სარგებელს ციფრულ არხებში.
მოკლედ, თუ თანხის დაზოგვა გინდა, ყოველთვის ნახავ შენზე მორგებულ შესაძლებლობებს. მთავარია, მართლა გინდოდეს და ყველაფერი დანარჩენი ამ გზაზე აუცილებლად დაგეხმარება. იმედია, შენი თანამგზავრი მობილბანკიც იქნება და ამ მიზნის ასრულებას გაგიმარტივებს.
