საქართველოს ბანკის სტიპენდია: მიიღე ფასინანსება 22 უნივერსიტეტში

ცხოვრებაში ხშირად ვდგებით მნიშვნელოვანი გადაწყვეტილებების წინაშე. ზოგიერთი მათგანი, მაგალითად, სკოლის დამთავრების შემდეგ პროფესიის არჩევა, განსაკუთრებით საპასუხისმგებლოა. ამასთან ერთად იმაზეც გიწევს ფიქრი, თუ როგორ მოიპოვო დაფინანსება. საქართველოს ბანკი, რომლისთვისაც ახალი თაობის მხარდაჭერა განსაკუთრებით მნიშვნელოვანია, ცდილობს, ეს საზრუნავი შეგიმსუბუქოს, სწავლა სრულად ან ნაწილობრივ დაგიფინანსოს და საშუალება მოგცეს, შენს საოცნებო უნივერსიტეტში განაგრძო სწავლა.

საქართველოს ბანკის სტიპენდიის პროექტი თითქმის ერთი წელია არსებობს და უკვე 22 პარტნიორ უნივერსიტეტში აძლევს სტუდენტებს სწავლის სრული ან ნაწილობრივი დაფინანსების შესაძლებლობას. სტიპენდია მოიცავს ერთი წლის განმავლობაში სწავლის სრულ ან ნაწილობრივ დაფინანსებას, თუმცა მნიშვნელოვანი ფაქტია ისიც, რომ პროექტის ფარგლებში სტუდენტებს ხელახლა აქვთ იმის შესაძლებლობა, ყოველწლიურად თავიანთი მონდომებით და მიზანდასახულობით კვლავ მოიპოვონ სტიპენდია.ამ დროის განმავლობაში 15 უნივერსიტეტიდან 160-ზე მეტი სტიპენდიატი გამოვლინდა.

უნივერსიტეტების ჩამონათვალი:

1. ილიას სახელმწიფო უნივერსიტეტი
2. ივანე ჯავახიშვილის სახელმწიფო უნივერსიტეტი
3. თავისუფალი უნივერსიტეტი
4. აგრარული უნივერსიტეტი
5. აპოლონ ქუთათელაძის სახელობის თბილისის სახელმწიფო სამხატვრო აკადემია
6. ქართულ-ამერიკული უნივერსიტეტი (GAU)
7. საქართველოს ტექნიკური უნივერსიტეტი
8. თბილისის სახელმწიფო სამედიცინო უნივერსიტეტი
9. საქართველოს ეროვნული უნივერსიტეტი (SEU)
10. სოხუმის სახელმწიფო უნივერსიტეტი
11. იაკობ გოგებაშვილის სახელობის თელავის სახელმწიფო უნივერსიტეტი
12. ბათუმის სახელმწიფო საზღვაო აკადემია
13. ბათუმის შოთა რუსთაველის სახელმწიფო უნივერსიტეტი
14. შავი ზღვის საერთაშორიო უნივერსიტეტი (IBSU)
15. ქუთაისის საერთაშორისო უნივერსიტეტი (KIU)
16. საქართველოს საერთაშორისო უნივერსიტეტი (GIU)
17. შოთა მესხიას ზუგდიდის სახელმწიფო სასწავლო უნივერსიტეტი
18. საქართველოს ფიზიკური აღზრდისა და სპორტის სახელმწიფო სასწავლო უნივერსიტეტი
19. თბილისის სახელმწიფო კონსერავტორია
20. შოთა რუსთაველის თეატრისა და კინოს უნივერსიტეტი
21. სამცხე-ჯავახეთის სახელმწიფო უნივერსიტეტი
22. საქართველოს უნივერსიტეტი

იმისთვის, რომ საქართველოს ბანკის სტიპენდიატი გახდე, ამისთვის საჭიროა, იმ ძირითად კრიტერიუმებს აკმაყოფილებდე, რომლებსაც თითოეული უნივერსიტეტი თავად განსაზღვრავს. დაფინანსების შესაძლებლობა ექნება ბაკალავრიატის ნებისმიერ სტუდენტს – როგორც მათ, ვინც ახლახან ჩააბარეს უნივერსიტეტში, ასევე იმათაც, ვინც უკვე სწავლობს სასურველ ფაკულტეტზე. აღსანიშნავია ისიც, რომ სტიპენდია მოქმედებს იმ შემთხვევაშიც, თუ  უკვე გაქვს სახელმწიფო 100%-იანი გრანტი, თუმცა კერძო უნივერსიტეტში სწავლის გასაგრძელებლად დამატებითი დაფინანსებაც გჭირდება.

ეს პროცესი საკმაოდ საკმაოდ მარტივად შეგიძლია მოაგვარო – აპლიკაციების მიღება უნივერსიტეტებში წელს ერთდროულად დაიწყება და დასრულდება. დეტალური ინფორმაცია თავად უნდა მოიძიო უნივერსიტეტის ვებგვერდზე ან ადმინისტრაციას მიმართო. ასევე, შეგიძლია ეწვიო საქართველოს ბანკის ვებგვერდს, სადაც ყველა პარტნიორი უნივერსიტეტის ჩამონათვალს იხილავ.

ამავდროულად შეგიძლია გაეცნო იმ სტიპენდიატების გამოცდილებებიც, რომლებმაც უკვე მოიპოვეს სწავლის დაფინანსება საქართველოს ბანკისგან:

• ის იმარჯვებს, ვინც არ ნებდება – GAU-ს სტიპენდიატების რჩევები აბიტურიენტებსა და სტუდენტებს;
• შრომა და მოტივაცია ყოველთვის ფასდება — საქართველოს ბანკის სტიპენდიატი აგრარული უნივერსიტეტიდან;
• დიდი წარმატებისკენ გზა პატარა მცდელობებით იწყება – ილიაუნის სტიპენდიატების რჩევები აბიტურიენტებს;
• სტიპენდიატები, რომლებიც არ ჩერდებიან —საქართველოს ბანკის პროექტი შთამბეჭდავი შედეგებით.

ცოდნა ერთ-ერთი ყველაზე სანდო კაპიტალია, რაც ცხოვრების განმავლობაში შეგიძლია დააგროვო. როგორ გაცვეთილადაც არ უნდა ჟღერდეს ეს შეგონება, საბოლოოდ, მაინც ყველა რწმუნდება მის ჭეშმარიტებაში. ის დრო, ენერგია თუ რესურსი, რასაც სწავლას მოახმარ, ზუსტად იცი, რომ წინ აუცილებლად დაგხვდება. შესაძლოა, საბოლოოდ სულ სხვა პროფესიას გაჰყვე და არჩეული გზაც ბევრჯერ შეიცვალო რადიკალურად, თუმცა ის ცოდნა, რასაც ახალგაზრდობაში იღებ, ნებისმიერ გზაზე, ნებისმიერ ცხოვრებისეულ თუ პროფესიულ გამოცდილებაში დაგეხმარება.

საქართველოს ბანკი სწორედ ამ ცოდნისა და გამოცდილებების დაგროვებაში ეხმარება სტუდენტებს, რომლებიც ახლა იწყებენ საკუთარი მომავლის შექმნას – აძლევს შესაძლებლობას და მოტივაციას, რომ არ გაჩერდნენ და სწორი მიზნებისკენ მიმართონ ფოკუსი. ამჟამად 22 ქართულ უნივერსიტეტში მოქმედებს სტიპენდიის პროგრამა, თუმცა სამომავლოდ კიდევ უფრო გაიზრდება მათი ჩამონათვალი – მეტი შესაძლებლობის შექმნას იმ ახალგაზრდებისთვის, რომლებიც  აფასებენ და ხვდებიან სწავლაში ჩადებული ინვესტიციის ღირებულებას, მყარად აქვთ საკუთარი მიზნები დასახული და ამ მიზნების მისაღწევად არ ჩერდებიან.