რომელ ქალაქებში გადაიხდი ტრანსპორტს BOG ბარათით?

საქართველოს ბანკის ბარათების მფლობელები არაერთი შეთავაზებითა თუ უპირატესობებით სარგებლობენ. საქართველოს ბანკის მომხმარებლებს VISA, MASTERCARD თუ სხვა ტიპის ბარათებით შოპინგი, კომუნალურების გადახდა, პარტნიორი ობიექტების ფასდაკლებებით სარგებლობა, PLUS ქულების დაგროვება და ტრანსპორტში მგზავრობის ღირებულების გადახდაც შეუძლიათ.

თუ აქამდე საქართველოს ბანკის ბარათით მგზავრობის საფასურის გადახდა მხოლოდ თბილისსა და კიდევ რამდენიმე ქალაქის (ბათუმი, რუსთავი, ზუგდიდი) მუნიციპალურ ტრანსპორტში იყო შესაძლებელი, მალე ამ ფუნქციით სარგებლობას საქართველოს რეგიონების კიდევ არაერთ სხვა ქალაქშიც შეძლებ.

• ქუთაისი;
• გორი;
• ფოთი;
• ბაკურიანი;
• ბორჯომი;
• თელავი.

ეს ის ქალაქებია, რომელთა მუნიციპალურ ტრანსპორტში საქართველოს ბანკის ბარათით მგზავრობის ღირებულების გადახდა შესაძლებელი იქნება.

თუ ჩამოთვლილთაგან რომელიმე ქალაქში ცხოვრობ ან სხვადასხვა მიზეზით ხშირად სტუმრობ, მუნიციპალური ტრანსპორტით მგზავრობისთვის არანაირი დამატებითი ბარათი აღარ დაგჭირდება. რაც მთავარია, მგზავრობის საფასურის გადახდა თბილისის მსგავსად, ამ ქალაქებშიც როგორც ნებისმიერი ფიზიკური ბარათით, ასევე ციფრული ბარათითაც შესაძლებელი იქნება. ასე რომ, მხოლოდ ერთი ბარათით ყველა ტიპის მუნიციპალური ტრანსპორტით შეძლებ სარგებლობას და თუ ბარათი სახლში დაგრჩება, ტელეფონის მეშვეობით ციფრული ბარათითაც მარტივად გადაიხდი.