საქართველოს ბანკი წლებია მხარს უჭერს განათლებას და ადამიანებს, რომლებიც ქმნიან უკეთეს საქართველოს. ჩვენი რწმენით, განათლება ის მთავარი გასაღებია, რომელიც ადამიანებს ახალ შესაძლებლობებს უხსნის. სწორედ ამიტომ, არაერთ საგანმანათლებლო პროექტს ვაფინანსებთ.
ერთ-ერთი ასეთი ახალი პროექტი პროფესიული აკადემიების სტიპენდიაა, რომელიც საშუალებას აძლევს ნებისმიერ მსურველს, სრული დაფინანსებით დაეუფლოს ახალ პროფესიას. პროფესიის შეცვლა და ახალი გზის არჩევა ყოველთვის გამბედაობას მოითხოვს – სწორედ ასეთი ნაბიჯის შესახებ მოგვითხრობს ირაკლი ასათიანის ისტორია.
დილით ლექციები პოლიტოლოგიასა და ისტორიაში, საღამოს – ბოსტნეულის რეცხვა და კარტოფილის გათლა რესტორნის სამზარეულოში. ასე გამოიყურებოდა 19 წლის ირაკლის ცხოვრება გერმანიაში, სადაც სასწავლებლად იყო წასული. სწორედ ამ რუტინაში იპოვა ის, რაც ნამდვილად უყვარდა.
ჟინი ყველაფერს შეგაძლებინებს. პროფესიასაც შეგაცვლევინებს და 19 წლის ასაკში, გერმანიაში პოლიტოლოგიის ფაკულტეტზე სწავლიდან, კულინარიის სფეროშიც აღმოგაჩენს – იხსენებს ირაკლი.
მალევე აღმოაჩინა, რომ ეს უკვე მხოლოდ სამსახური აღარ იყო. ინტერესმა იქამდე მიიყვანა, რომ რესტორნის შეფთან მივიდა და პირდაპირ სთხოვა, ყველაფერი ესწავლებინა მისთვის. შეფის პასუხმა მის ცხოვრებას სრულიად ახალი მიმართულება მისცა.
შეფის სიტყვებმა მიმაღებინა გადაწყვეტილება: თუ ამ სფეროს კარგად ისწავლი, ყველა ქვეყანაში შეძლებ მუშაობას, რადგან ჭამა ყველას სჭირდებაო
გადაწყვეტილება მარტივი არ იყო. ოჯახმა, რომელმაც ბევრი გააკეთა, რომ ირაკლი გერმანიაში სასწავლებლად გაეშვა, ეს ცვლილება რთულად მიიღო. მით უმეტეს, რომ იმ დროს საქართველოში მზარეულის პროფესია არც ისე დაფასებული იყო.
მიუხედავად ამისა, ირაკლი თავის ინტუიციას და ჟინს მიყვა, მიატოვა პოლიტოლოგიის სწავლა და კულინარიას მიუძღვნა თავი.
როცა საქართველოში 25 წლის ასაკში ყველაზე ახალგაზრდა შეფი გავხდი, ალბათ მაშინ ყველაზე მეტად ვიგრძენი ჩემი შრომის შედეგი
რა თქმა უნდა, გზა წარმატებისკენ ადვილი არ ყოფილა. საჭირო იყო შრომა, თავდაჯერება და ნებისყოფა. ირაკლის ისტორია იმაზე მეტია, ვიდრე უბრალოდ კარიერული ცვლილება. ეს არის ისტორია იმაზე, თუ როგორ შეიძლება ვენდოთ საკუთარ ინსტინქტებს.
ალბათ, ჩემს ახალგაზრდა თავს ვეტყოდი, რომ ყოფილიყო მეტად თავდაჯერებული. განათლებისთვის და საკუთარი გზის ძიებისთვის არასდროსაა გვიან. თუ გიჩნდება განცდა, რომ შენი თავის საუკეთესო ვერსიას ჯერ არ შეხვედრიხარ, ესე იგი ყველაფერი წინ გაქვს
როგორც ირაკლიმ აირჩია თავისი გზა, შენც შეგიძლია გადადგა ეს ნაბიჯი. საქართველოს ბანკის სტიპენდია გაძლევს შესაძლებლობას, რომ ამ მოგზაურობაში ფინანსური ბარიერი არ შეგექმნას. პროგრამა სხვადასხვა სფეროს მოიცავს და წამყვან პროფესიულ აკადემიებსა და სასწავლებლებში 100%-ით აფინანსებს სწავლის გადასახადს.
იქნებ შენც გაქვს პროფესიული ჟინი, რომელიც ახალი გზისკენ გიბიძგებს? გახსოვდეს, არასდროსაა ახალი თავის დაწყება გვიანი.
გაიგე ყველაფერი საქართველოს ბანკის სტიპენდიაზე: stipendia.bog.ge
და რაც მთავარია, განათლების გზაზე არ გაჩერდე.
